(Agricultural Machinery:) ಬೆಂಗಳೂರು: ಕೃಷಿ ಚಟುವಟಿಕೆಗಳನ್ನು ಆಧುನೀಕರಿಸಲು ಮತ್ತು ರೈತರ ಶ್ರಮವನ್ನು ಕಡಿಮೆ ಮಾಡಲು ರಾಜ್ಯ ಕೃಷಿ ಇಲಾಖೆ ಮಹತ್ವದ ಹೆಜ್ಜೆ ಇಟ್ಟಿದ್ದು, ವಿವಿಧ ಕೃಷಿ ಯಂತ್ರೋಪಕರಣಗಳನ್ನು ರಿಯಾಯಿತಿ ದರದಲ್ಲಿ ನೀಡುವ ಯೋಜನೆಯನ್ನು ಪ್ರಕಟಿಸಿದೆ. ‘ಅನುಬಂಧ-2 (LAQ-1411)’ ಅಡಿಯಲ್ಲಿ ಅರ್ಹ ಯಂತ್ರೋಪಕರಣಗಳ ಸಮಗ್ರ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ.
ಈ ಯೋಜನೆಯಡಿ ಕೃಷಿಯ ವಿವಿಧ ಹಂತಗಳಿಗೆ ಅಗತ್ಯವಿರುವ ಸುಮಾರು 85ಕ್ಕೂ ಹೆಚ್ಚು ಮಾದರಿಯ ಯಂತ್ರೋಪಕರಣಗಳು ಲಭ್ಯವಿದ್ದು, ರೈತರಿಗೆ ಯಾಂತ್ರೀಕರಣದತ್ತ ಪ್ರೋತ್ಸಾಹ ನೀಡಲಾಗಿದೆ.
ಯಾವ ಯಂತ್ರೋಪಕರಣಗಳು ಲಭ್ಯ?:
ಭೂಮಿ ಸಿದ್ಧತೆ ಮತ್ತು ಉಳುಮೆ ಕಾರ್ಯಗಳಿಗೆ ಟ್ರ್ಯಾಕ್ಟರ್, ಪವರ್ ಟಿಲ್ಲರ್ (8 BHP ಮೇಲ್ಪಟ್ಟ), ಎಂ.ಬಿ. ಪ್ಲೋ, ರೋಟವೇಟರ್, ಡಿಸ್ಕ್ ಹ್ಯಾರೋ ಹಾಗೂ ಲೇಸರ್ ಗೈಡೆಡ್ ಲ್ಯಾಂಡ್ ಲೆವೆಲರ್ ಸೇರಿದಂತೆ 13 ಬಗೆಯ ಉಪಕರಣಗಳು ನೀಡಲಾಗುತ್ತಿವೆ.
ಬಿತ್ತನೆ ಮತ್ತು ನಾಟಿ ಕಾರ್ಯಗಳಿಗೆ ಭತ್ತ ನಾಟಿ ಯಂತ್ರ, ಸೀಡ್ ಕಮ್ ಫರ್ಟಿಲೈಸರ್ ಡ್ರಿಲ್, ಜೀರೋ ಟಿಲ್ ಡ್ರಿಲ್ ಮತ್ತು ಮಲ್ಟಿ ಕ್ರಾಪ್ ಟ್ರಾನ್ಸ್ಪ್ಲಾಂಟರ್ಗಳು ಲಭ್ಯವಿವೆ.
ಅಂತರ ಬೇಸಾಯ ಮತ್ತು ಸಸ್ಯ ಸಂರಕ್ಷಣೆಗಾಗಿ ಬ್ರಷ್ ಕಟ್ಟರ್, ಪವರ್ ವೀಡರ್ ಹಾಗೂ ನ್ಯಾಪ್ಸ್ಯಾಕ್ ಪವರ್ ಸ್ಪ್ರೇಯರ್ ಮತ್ತು ಬೂಮ್ ಸ್ಪ್ರೇಯರ್ಗಳಂತಹ ವಿವಿಧ ಉಪಕರಣಗಳನ್ನು ಸಬ್ಸಿಡಿ ದರದಲ್ಲಿ ಪಡೆಯಬಹುದು.
ಕೊಯ್ಲು ಮತ್ತು ಸಂಸ್ಕರಣಾ ವಿಭಾಗದಲ್ಲಿ ಭತ್ತ ಮತ್ತು ರಾಗಿ ಒಕ್ಕಣೆ ಯಂತ್ರ, ಕಬ್ಬು ಕಟಾವು ಯಂತ್ರ, ಕಂಬೈನ್ಡ್ ಹಾರ್ವೆಸ್ಟರ್ಗಳು ಲಭ್ಯವಿದ್ದು, ತ್ಯಾಜ್ಯ ನಿರ್ವಹಣೆಗೆ ಚಾಫ್ ಕಟರ್, ಬಾಲರ್ ಮತ್ತು ಶ್ರೆಡರ್ಗಳನ್ನೂ ಒಳಗೊಂಡಿದೆ. ಸಂಸ್ಕರಣಾ ಘಟಕಗಳಾಗಿ ಮಿನಿ ರೈಸ್ ಮಿಲ್, ಎಣ್ಣೆ ತೆಗೆಯುವ ಯಂತ್ರ, ರಾಗಿ ಕ್ಲೀನಿಂಗ್ ಮೆಷಿನ್, ಹಿಟ್ಟಿನ ಗಿರಣಿ ಹಾಗೂ ಶ್ಯಾವಿಗೆ ಮಾಡುವ ಯಂತ್ರಗಳೂ ಈ ಪಟ್ಟಿಯಲ್ಲಿ ಸೇರಿವೆ.
ಪಂಪ್ ಸೆಟ್ ವಿಭಾಗದಲ್ಲಿ ಡೀಸೆಲ್ ಮತ್ತು ಪೆಟ್ರೋಲ್ ಚಾಲಿತ ವಿವಿಧ ಅಶ್ವಶಕ್ತಿಯ ಏರ್ ಕೂಲ್ಡ್ ಹಾಗೂ ವಾಟರ್ ಕೂಲ್ಡ್ ಪಂಪ್ಸೆಟ್ಗಳನ್ನು ಸಹ ರಿಯಾಯಿತಿಯಲ್ಲಿ ಖರೀದಿಸಬಹುದು.
ರೈತರಿಗೆ ಸಲಹೆ:
ಈ ಯೋಜನೆಯ ಲಾಭ ಪಡೆಯಲು ಆಸಕ್ತಿ ಹೊಂದಿರುವ ರೈತರು ತಮ್ಮ ಹತ್ತಿರದ ರೈತ ಸಂಪರ್ಕ ಕೇಂದ್ರ (RSK) ಅಥವಾ ಕೃಷಿ ಇಲಾಖೆಯ ಕಚೇರಿಯನ್ನು ಸಂಪರ್ಕಿಸಿ ಮಾಹಿತಿ ಪಡೆಯಬಹುದು.
ಕೃಷಿಯಲ್ಲಿ ಯಾಂತ್ರೀಕರಣವನ್ನು ಅಳವಡಿಸಿಕೊಳ್ಳುವುದರಿಂದ ಉತ್ಪಾದನಾ ವೆಚ್ಚ ಕಡಿಮೆಯಾಗುವುದಲ್ಲದೆ, ಸಮಯಕ್ಕೆ ಸರಿಯಾಗಿ ಕೃಷಿ ಕಾರ್ಯಗಳನ್ನು ಪೂರ್ಣಗೊಳಿಸಲು ಸಹಾಯವಾಗಲಿದೆ ಎಂದು ಇಲಾಖೆ ತಿಳಿಸಿದೆ.
ಇತ್ತೀಚಿನ ಜನಪ್ರಿಯ ಸುದ್ದಿಗಳು (Agricultural Machinery:)
-
- ಈ ಸಂಸ್ಥೆಯಿಂದ ಸಿಗಲಿದೆ ವಿದ್ಯಾರ್ಥಿಗಳಿಗೆ ₹1,00,000 ಸ್ಕಾಲರ್ಶಿಪ್
- ಮನೆಯಲ್ಲೇ ಕುಳಿತು ಇ-ಖಾತಾ ಪಡೆದುಕೊಳ್ಳಿ!
- ಕೆನರಾ ಬ್ಯಾಂಕ್ನಿಂದ 30 ದಿನದ ಉಚಿತ ಹೋಲಿಗೆ ಯಂತ್ರ ತರಬೇತಿಗೆ ಅರ್ಜಿ ಆಹ್ವಾನ
- ರಾಜ್ಯದ ವಿವಿಧ ಇಲಾಖೆಗಳಲ್ಲಿ 2,84,881 ಹುದ್ದೆಗಳು ಖಾಲಿ
- ಕರ್ನಾಟಕ ಸರ್ಕಾರದಿಂದ ರೈತರಿಗೆ ಗುಡ್ನ್ಯೂಸ್
- ಈ ಯೋಜನೆಯಡಿ ಸಿಗಲಿದೆ ಮಹಿಳೆಯರಿಗೆ ಸಹಾಯಧನ
- ಯುವಕರಿಗೆ ʼಗ್ರಾಮ ಒನ್ ಕೇಂದ್ರʼ ಆರಂಭಿಸಲು ಸುವರ್ಣಾವಕಾಶ
- ಎಸ್ಎಸ್ಪಿ ವಿದ್ಯಾರ್ಥಿವೇತನ ಅರ್ಜಿ ಸಲ್ಲಿಕೆ ಅವಧಿ ವಿಸ್ತರಣೆ
- 8ನೇ ತರಗತಿಯ ಪಠ್ಯಪುಸ್ತಕದಲ್ಲಿ ಮಹತ್ವದ ಬದಲಾವಣೆ
- ರೈಲ್ವೆ ಇಲಾಖೆಯಿಂದ ಸಹಾಯಕ ಲೋಕೋ ಪೈಲೆಟ್ ಹುದ್ದೆಗೆ ಅರ್ಜಿ ಆಹ್ವಾನ