(Notary:) ಬೆಂಗಳೂರು: ದೈನಂದಿನ ಜೀವನದಲ್ಲಿ ಆಸ್ತಿ ವ್ಯವಹಾರ, ಬಾಡಿಗೆ ಒಪ್ಪಂದಗಳು ಹಾಗೂ ಅಫಿಡವಿಟ್ ತಯಾರಿಕೆಯ ಸಂದರ್ಭದಲ್ಲಿ ‘ನೋಟರಿ’ ಎಂಬ ಪದ ಸಾಮಾನ್ಯವಾಗಿ ಕೇಳಿಬರುತ್ತದೆ. ಆದರೆ ನೋಟರಿ ಮಾಡಿಸುವುದು ಕೇವಲ ಸೀಲು ಹಾಕಿಸುವ ಪ್ರಕ್ರಿಯೆಯಲ್ಲ; ಅದು ಕಾನೂನುಬದ್ಧ ಕ್ರಮವಾಗಿದ್ದು, ಅದರ ಬಗ್ಗೆ ಸ್ಪಷ್ಟ ಅರಿವು ಅಗತ್ಯವಾಗಿದೆ.
ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳು ತಮ್ಮ ಕಾರ್ಯಭಾರವನ್ನು ಕಡಿಮೆ ಮಾಡಲು ಕೆಲವು ಅರ್ಹ ವಕೀಲರನ್ನು ‘ನೋಟರಿ’ಗಳಾಗಿ ನೇಮಿಸುತ್ತವೆ. ಇವರು ಸಾರ್ವಜನಿಕರ ನಡುವೆ ನಡೆಯುವ ಒಪ್ಪಂದಗಳು ಮತ್ತು ಪ್ರಮಾಣಪತ್ರಗಳ ಸತ್ಯಾಸತ್ಯತೆಯನ್ನು ಪರಿಶೀಲಿಸಿ ದೃಢೀಕರಿಸುವ ಜವಾಬ್ದಾರಿಯನ್ನು ವಹಿಸಿಕೊಂಡಿರುತ್ತಾರೆ.
ನೋಟರಿ ವಕೀಲರ ಪಾತ್ರ
ನೋಟರಿ ವಕೀಲರು ಬಾಡಿಗೆ ಒಪ್ಪಂದಗಳು, ಅಫಿಡವಿಟ್ಗಳು, ಸಾಮಾನ್ಯ ಪವರ್ ಆಫ್ ಅಟಾರ್ನಿ ಹಾಗೂ ಹಣಕಾಸು ವ್ಯವಹಾರಗಳಿಗೆ ಸಂಬಂಧಿಸಿದ ದಾಖಲೆಗಳನ್ನು ಪರಿಶೀಲಿಸಿ ಪ್ರಮಾಣೀಕರಿಸುತ್ತಾರೆ. ಕಡಿಮೆ ಶುಲ್ಕದಲ್ಲಿ ಸಾರ್ವಜನಿಕರಿಗೆ ಈ ಸೇವೆ ಒದಗಿಸಲಾಗುತ್ತದೆ.
ಯಾವ ದಾಖಲೆಗಳಿಗೆ ನೋಟರಿ ಅನ್ವಯ?
11 ತಿಂಗಳವರೆಗೆ ಇರುವ ಬಾಡಿಗೆ ಒಪ್ಪಂದಗಳನ್ನು ನೋಟರಿ ಮಾಡಿಸಬಹುದು. ವಿವಿಧ ಶಿಕ್ಷಣ ಸಂಸ್ಥೆಗಳು ಅಥವಾ ಕಚೇರಿಗಳಿಗೆ ಸಲ್ಲಿಸುವ ಅಫಿಡವಿಟ್ಗಳು, ವಾಹನ ಅಥವಾ ನ್ಯಾಯಾಂಗ ಸಂಬಂಧಿತ ಸಾಮಾನ್ಯ ಪವರ್ ಆಫ್ ಅಟಾರ್ನಿ ಹಾಗೂ ಸಾಲ ವ್ಯವಹಾರಗಳಿಗೆ ಸಂಬಂಧಿಸಿದ ದಾಖಲೆಗಳಿಗೆ ನೋಟರಿ ಅನ್ವಯಿಸುತ್ತದೆ.
ನೋಟರಿ ಅನ್ವಯಿಸದ ದಾಖಲೆಗಳು
ಸ್ಥಿರ ಆಸ್ತಿ ಮಾರಾಟದ ‘ಸೇಲ್ ಡೀಡ್’ಗಳನ್ನು ನೋಟರಿ ಮಾಡುವಂತಿಲ್ಲ. ಇಂತಹ ದಾಖಲೆಗಳನ್ನು ಕಡ್ಡಾಯವಾಗಿ ಉಪ-ನೋಂದಣಾಧಿಕಾರಿ ಕಚೇರಿಯಲ್ಲಿ ನೋಂದಾಯಿಸಬೇಕು. ಇದೇ ರೀತಿ ಮದುವೆ ಹಾಗೂ ವಿಚ್ಛೇದನದ ದಾಖಲೆಗಳನ್ನು ನೋಟರಿ ಮೂಲಕ ದೃಢೀಕರಿಸಲು ಅವಕಾಶವಿಲ್ಲ.
ನೋಟರಿ ಪ್ರಕ್ರಿಯೆಯ ನಿಯಮಗಳು
ನೋಟರಿ ಮಾಡಲು ನಿಗದಿತ ಮೌಲ್ಯದ ಸ್ಟ್ಯಾಂಪ್ ಪೇಪರ್ ಕಡ್ಡಾಯವಾಗಿದೆ. ಪ್ರತಿ ಪುಟದ ಮೇಲೆ ನೋಟರಿ ಟಿಕೆಟ್ ಅಂಟಿಸಿ, ಅಧಿಕೃತ ಸೀಲು ಮತ್ತು ಸಹಿ ಹಾಕಬೇಕು. ಜೊತೆಗೆ ನೋಟರಿ ವಕೀಲರು ತಮ್ಮ ಬಳಿ ರಿಜಿಸ್ಟರ್ ಪುಸ್ತಕವನ್ನು ಇಟ್ಟುಕೊಂಡು, ದಸ್ತಾವೇಜಿನ ವಿವರಗಳು ಹಾಗೂ ಸಾಕ್ಷಿಗಳ ಮಾಹಿತಿಯನ್ನು ದಾಖಲಿಸಬೇಕು.
ನ್ಯಾಯಾಲಯದಲ್ಲಿ ಮಹತ್ವ
ನೋಟರಿ ಮಾಡಲಾದ ದಾಖಲೆಗಳ ಬಗ್ಗೆ ವಿವಾದ ಉಂಟಾದಲ್ಲಿ, ಸಂಬಂಧಿಸಿದ ನೋಟರಿ ವಕೀಲರನ್ನು ನ್ಯಾಯಾಲಯಕ್ಕೆ ಸಾಕ್ಷಿಯಾಗಿ ಕರೆಯಬಹುದು. ಅವರ ರಿಜಿಸ್ಟರ್ ದಾಖಲೆಗಳ ಆಧಾರದ ಮೇಲೆ ಆ ಒಪ್ಪಂದ ಅಥವಾ ವ್ಯವಹಾರ ಕಾನೂನುಬದ್ಧವೆಂಬುದು ಸಾಬೀತಾಗುತ್ತದೆ.
ಒಟ್ಟಾರೆ, ನೋಟರಿ ಪ್ರಕ್ರಿಯೆ ಒಂದು ಜವಾಬ್ದಾರಿಯುತ ಕಾನೂನು ಕ್ರಮವಾಗಿದ್ದು, ನಿಯಮಗಳನ್ನು ಪಾಲಿಸದೇ ಮಾಡಿದ ನೋಟರಿಗೆ ಯಾವುದೇ ಕಾನೂನು ಮಾನ್ಯತೆ ಇರುವುದಿಲ್ಲ ಎಂಬುದು ತಜ್ಞರು ಸೂಚಿಸುತ್ತಾರೆ.
ಇತ್ತೀಚಿನ ಜನಪ್ರಿಯ ಸುದ್ದಿಗಳು (Notary:)
-
- ಈ ಸಂಸ್ಥೆಯಿಂದ ಸಿಗಲಿದೆ ವಿದ್ಯಾರ್ಥಿಗಳಿಗೆ ₹1,00,000 ಸ್ಕಾಲರ್ಶಿಪ್
- ಮನೆಯಲ್ಲೇ ಕುಳಿತು ಇ-ಖಾತಾ ಪಡೆದುಕೊಳ್ಳಿ!
- ಕೆನರಾ ಬ್ಯಾಂಕ್ನಿಂದ 30 ದಿನದ ಉಚಿತ ಹೋಲಿಗೆ ಯಂತ್ರ ತರಬೇತಿಗೆ ಅರ್ಜಿ ಆಹ್ವಾನ
- ರಾಜ್ಯದ ವಿವಿಧ ಇಲಾಖೆಗಳಲ್ಲಿ 2,84,881 ಹುದ್ದೆಗಳು ಖಾಲಿ
- ಕರ್ನಾಟಕ ಸರ್ಕಾರದಿಂದ ರೈತರಿಗೆ ಗುಡ್ನ್ಯೂಸ್
- ಈ ಯೋಜನೆಯಡಿ ಸಿಗಲಿದೆ ಮಹಿಳೆಯರಿಗೆ ಸಹಾಯಧನ
- ಯುವಕರಿಗೆ ʼಗ್ರಾಮ ಒನ್ ಕೇಂದ್ರʼ ಆರಂಭಿಸಲು ಸುವರ್ಣಾವಕಾಶ
- ಎಸ್ಎಸ್ಪಿ ವಿದ್ಯಾರ್ಥಿವೇತನ ಅರ್ಜಿ ಸಲ್ಲಿಕೆ ಅವಧಿ ವಿಸ್ತರಣೆ
- 8ನೇ ತರಗತಿಯ ಪಠ್ಯಪುಸ್ತಕದಲ್ಲಿ ಮಹತ್ವದ ಬದಲಾವಣೆ
- ರೈಲ್ವೆ ಇಲಾಖೆಯಿಂದ ಸಹಾಯಕ ಲೋಕೋ ಪೈಲೆಟ್ ಹುದ್ದೆಗೆ ಅರ್ಜಿ ಆಹ್ವಾನ