Ration Cards;- ಏ.1ರಿಂದ ರೇಷನ್ ಕಾರ್ಡ್ ನ ಹೊಸ ನಿಯಮಗಳು ಜಾರಿ

(Ration Cards;-) ಸಾರ್ವಜನಿಕ ವಿತರಣಾ ವ್ಯವಸ್ಥೆ (PDS) ಅಡಿಯಲ್ಲಿ ಪಡಿತರ ಚೀಟಿಗಳಿಗೆ ಸಂಬಂಧಿಸಿದಂತೆ ಮಹತ್ವದ ಬದಲಾವಣೆಗಳನ್ನು Government of India ಪ್ರಕಟಿಸಿದೆ. ಹೊಸ ನಿಯಮಗಳು 2026ರ ಏಪ್ರಿಲ್ 1ರಿಂದ ಜಾರಿಗೆ ಬರಲಿದ್ದು, ಅನರ್ಹ ಫಲಾನುಭವಿಗಳನ್ನು ಪಟ್ಟಿಯಿಂದ ತೆಗೆಯುವ ಜೊತೆಗೆ ಅರ್ಹರಿಗೆ ಸುಗಮ ಸೇವೆ ಒದಗಿಸುವ ಉದ್ದೇಶ ಹೊಂದಿವೆ.

ಮೊದಲನೆಯದಾಗಿ, ಇ-ಕೆವೈಸಿ ಕಡ್ಡಾಯಗೊಳಿಸಲಾಗಿದೆ. ಕುಟುಂಬದ ಎಲ್ಲಾ ಸದಸ್ಯರು ಫೆಬ್ರವರಿ 28, 2026ರೊಳಗೆ ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು. ಗಡುವಿನೊಳಗೆ ಪ್ರಕ್ರಿಯೆ ಮುಗಿಸದಿದ್ದರೆ, ಮಾರ್ಚ್ 1ರಿಂದ ಪಡಿತರ ವಿತರಣೆಯನ್ನು ಸ್ಥಗಿತಗೊಳಿಸಲಾಗುತ್ತದೆ. ಫಲಾನುಭವಿಗಳು ತಮ್ಮ ಪಡಿತರ ಅಂಗಡಿಯಲ್ಲಿ ಬೆರಳಚ್ಚು ದೃಢೀಕರಣ ನೀಡುವ ಮೂಲಕ ಅಥವಾ Mera Ration App ಬಳಸಿ ಮುಖ ಗುರುತು ಪರಿಶೀಲನೆಯ ಮೂಲಕ ಮನೆಯಿಂದಲೇ ಈ ಪ್ರಕ್ರಿಯೆ ಪೂರ್ಣಗೊಳಿಸಬಹುದು.

ಇದನ್ನೂ ಓದಿ: ರೈತರಿಗೆ ಸಿಹಿ ಸುದ್ದಿ ಕೊಟ್ಟ ರಾಜ್ಯ ಸರ್ಕಾರ; ಬೆಂಬಲ ಬೆಲೆ ಯೋಜನೆಯಡಿಯಲ್ಲಿ ವಿವಿಧ ಬೆಳೆಗಳ ಖರೀದಿ ಅವಧಿ ವಿಸ್ತರಣೆ

ಹೊಸ ಅರ್ಜಿದಾರರಿಗೆ ಆದಾಯ ಮಿತಿ ₹1.20 ಲಕ್ಷ ವಾರ್ಷಿಕವಾಗಿ ನಿಗದಿಯಾಗಿದೆ. ಮಹಿಳಾ ಸಬಲೀಕರಣದ ಭಾಗವಾಗಿ, ಕುಟುಂಬದ ಹಿರಿಯ ಮಹಿಳೆಯನ್ನು ಕಾರ್ಡ್ ಮುಖ್ಯಸ್ಥೆಯಾಗಿ ನೋಂದಾಯಿಸುವುದು ಕಡ್ಡಾಯ. ವಯಸ್ಕ ಮಹಿಳೆ ಇಲ್ಲದಿದ್ದಲ್ಲಿ ಮಾತ್ರ ಪುರುಷನನ್ನು ಮುಖ್ಯಸ್ಥರನ್ನಾಗಿ ಗುರುತಿಸಲಾಗುತ್ತದೆ.

ಇನ್ನೊಂದು ಪ್ರಮುಖ ಬದಲಾವಣೆ ಎಂದರೆ, ಫಲಾನುಭವಿಗಳು ಈಗ ಮೂರು ತಿಂಗಳ ಪಡಿತರವನ್ನು ಒಂದೇ ಸಲದಲ್ಲಿ ಪಡೆಯುವ ಅವಕಾಶ. ಇದರಿಂದ ಪದೇಪದೇ ಅಂಗಡಿಗೆ ತೆರಳುವ ಅವಶ್ಯಕತೆ ಕಡಿಮೆಯಾಗಲಿದೆ.

ಹೊಸ ಪಡಿತರ ಚೀಟಿಗಳಿಗೆ ಅರ್ಜಿಗಳನ್ನು ಕೇವಲ ಆನ್‌ಲೈನ್ ಮೂಲಕವೇ ಸ್ವೀಕರಿಸಲಾಗುತ್ತದೆ. ಅರ್ಜಿಯ ನಂತರ ಆಹಾರ ಸರಬರಾಜು ಅಧಿಕಾರಿ ಮನೆ ಪರಿಶೀಲನೆ ನಡೆಸಿ ಅರ್ಹತೆ ದೃಢಪಡಿಸಿದ ಬಳಿಕವೇ ಅನುಮೋದನೆ ನೀಡಲಾಗುತ್ತದೆ.

ತೆರಿಗೆ ಪಾವತಿಸುವವರು, ಟ್ರ್ಯಾಕ್ಟರ್ ಹೊರತುಪಡಿಸಿ ನಾಲ್ಕು ಚಕ್ರದ ವಾಹನ ಹೊಂದಿರುವವರು, ಮೂರು ತಿಂಗಳು ಪಡಿತರ ಪಡೆಯದವರು ಹಾಗೂ ತಪ್ಪು ಮಾಹಿತಿ ನೀಡಿದವರ ಹೆಸರನ್ನು ಪಟ್ಟಿಯಿಂದ ತೆಗೆದುಹಾಕಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.