(Coconut Storage Tips:) ಅಡುಗೆಮನೆಯಲ್ಲಿ ತೆಂಗಿನ ಕಾಯಿ ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ಒಮ್ಮೆ ತೆಂಗಿನ ಕಾಯಿ ಒಡೆದ ಬಳಿಕ ಅದನ್ನು ತಕ್ಷಣ ಬಳಸದೆ ಬಿಟ್ಟರೆ ಬೇಗನೆ ಕೆಡುವುದು ಸಾಮಾನ್ಯ ಸಮಸ್ಯೆಯಾಗಿದೆ. ವಿಶೇಷವಾಗಿ ಬೇಸಿಗೆಯಲ್ಲಿ ಬಿಸಿ ತಾಪಮಾನ ಹಾಗೂ ಚಳಿಗಾಲದಲ್ಲಿ ತಂಪಿನ ಕೊರತೆಯಿಂದ ತೆಂಗು ಫಂಗಸ್, ದುರ್ಗಂಧ ಬರುವುದರಿಂದ ಅನೇಕರು ತೊಂದರೆ ಅನುಭವಿಸುತ್ತಿದ್ದಾರೆ. ಆದರೆ ಕೆಲವು ಸರಳ ಮನೆಮದ್ದು ವಿಧಾನಗಳನ್ನು ಅನುಸರಿಸಿದರೆ, ಒಡೆದ ತೆಂಗಿನ ಕಾಯಿಯನ್ನು ತಿಂಗಳ ಕಾಲವೂ ತಾಜಾ ಇಟ್ಟುಕೊಳ್ಳಬಹುದು ಎಂದು ಅಡುಗೆ ತಜ್ಞರು ಸಲಹೆ ನೀಡುತ್ತಿದ್ದಾರೆ.

ಇದನ್ನೂ ಓದಿ: ರೈತರ ಮಕ್ಕಳಿಗೆ ‘ರೈತ ವಿದ್ಯಾನಿಧಿ ಸ್ಕಾಲರ್ಶಿಪ್; 2,000 ದಿಂದ 11,000ದ ವರೆಗೆ ಸಿಗಲಿದೆ ವಿದ್ಯಾರ್ಥಿವೇತನ

ತೆಂಗಿನಲ್ಲಿ ನೀರಿನ ಅಂಶ ಅಧಿಕವಾಗಿರುವುದರಿಂದ ಗಾಳಿ ಮತ್ತು ತಾಪಮಾನಕ್ಕೆ ತಾಗಿದಾಗ ಅದು ಶೀಘ್ರವಾಗಿ ಕೆಡುವ ಸಾಧ್ಯತೆ ಹೆಚ್ಚು. ತೊಳೆದ ನಂತರ ಉಳಿಯುವ ತೇವ, ಕತ್ತರಿಸಿದ ಭಾಗಕ್ಕೆ ಗಾಳಿ ತಾಗುವುದು ಹಾಗೂ ಸರಿಯಾದ ತಂಪಿನ ಕೊರತೆ – ಇವು ತೆಂಗು ಬೇಗ ಕೆಡುವ ಪ್ರಮುಖ ಕಾರಣಗಳಾಗಿವೆ.

ಒಡೆದ ತೆಂಗಿನ ಕಾಯಿಯನ್ನು ಹೆಚ್ಚು ದಿನ ಉಳಿಸಬೇಕಾದರೆ ಗಾಳಿಯ ಸಂಪರ್ಕ ಕಡಿಮೆ ಮಾಡುವುದು ಅತ್ಯಂತ ಮುಖ್ಯ. ತೆಂಗಿನ ಭಾಗಗಳನ್ನು ಏರ್-ಟೈಟ್ ಕಂಟೈನರ್‌ನಲ್ಲಿ ಇಡುವುದು ಉತ್ತಮ ವಿಧಾನವಾಗಿದೆ. ಇದರಿಂದ ಒಳಗಿನ ತೇವ ಉಳಿದುಕೊಂಡು, ಫಂಗಸ್ ಹರಡುವಿಕೆ ಕಡಿಮೆಯಾಗುತ್ತದೆ.

ಇದನ್ನೂ ಓದಿ: ಆಧಾರ್‌ ಸೇವಾ ಕೇಂದ್ರದಲ್ಲಿ ಜಾಬ್‌, ಅರ್ಜಿ ಆಹ್ವಾನ

ಇನ್ನೊಂದು ಪರಿಣಾಮಕಾರಿ ವಿಧಾನವೆಂದರೆ ತೆಂಗನ್ನು ತುರಿದು ಸಂಗ್ರಹಿಸುವುದು. ತುರಿದ ತೆಂಗನ್ನು ಸ್ವಚ್ಛ ಬಟ್ಟೆಯಲ್ಲಿ ಸ್ವಲ್ಪ ಒಣಗಿಸಿ, ನಂತರ ಏರ್-ಟೈಟ್ ಬಾಕ್ಸ್‌ನಲ್ಲಿ ಫ್ರೀಜರ್‌ಗೆ ಇಡಬಹುದು. ಈ ರೀತಿಯಲ್ಲಿ ತಿಂಗಳಾದರೂ ಚಟ್ನಿ, ಸಿಹಿ ಮತ್ತು ಇತರ ಪದಾರ್ಥಗಳಲ್ಲಿ ಬಳಸಲು ಸಾಧ್ಯವಾಗುತ್ತದೆ.

ತೆಂಗಿನ ಮೇಲ್ಮೈಗೆ ಸ್ವಲ್ಪ ತೆಂಗಿನ ಎಣ್ಣೆ ಹಚ್ಚುವುದು ಹಾಗೂ ಮುಖಭಾಗಕ್ಕೆ ಅಲ್ಪ ಪ್ರಮಾಣದಲ್ಲಿ ಉಪ್ಪು ಬಳಸದುವುದರಿಂದ ಫಂಗಸ್ ಮತ್ತು ದುರ್ಗಂಧ ತಡೆಯಬಹುದು. ಜೊತೆಗೆ ತೆಂಗು ಇಡುವ ಪಾತ್ರೆ ಸಂಪೂರ್ಣ ಒಣ ಮತ್ತು ಸ್ವಚ್ಛವಾಗಿರಬೇಕು ಎಂಬುದನ್ನು ಗಮನಿಸಬೇಕು.