Army operations: ಸೇನೆಯ ಆಪರೇಷನ್ ಕುರಿತ ಸುದ್ದಿ ಪ್ರಸಾರ ಸಂಬಂಧ ಮಾಧ್ಯಮಗಳಿಗೆ ಕೇಂದ್ರದ ಸೂಚನೆ

(Army operations:) ಭಯೋತ್ಪಾದಕರ ದಾಳಿಯ ನಂತರ ಜಮ್ಮು ಕಾಶ್ಮೀರದಲ್ಲಿ ಉದ್ವಿಗ್ನ ವಾತಾವರಣ ನಿರ್ಮಾಣವಾಗಿದೆ, ಈ ನಡುವೆ ಭಯೋತ್ಪಾದಕರ ಹೆಡೆಮುರಿ ಕಟ್ಟಲು ಭಾರತೀಯ ಸೇನೆ ಕ್ಷಿಪ್ರ ಕಾರ್ಯಾಚರಣೆ ನಡೆಸುತ್ತಿದ್ದು ಇಬ್ಬರು ಉಗ್ರರನ್ನು ಹೊಡೆದುರುಳಿಸಿದೆ.

ಇದನ್ನೂ ಓದಿ: ಪದವಿ ವಿದ್ಯಾರ್ಥಿಗಳಿಗೆ £7,500 ಸ್ಕಾಲರ್‌ ಶಿಪ್‌ ಲಭ್ಯ

ಮತ್ತೊಂದೆಡೆ ಗಡಿಯಲ್ಲಿ ಕಾರ್ಯಾಚರಣೆ ಮುಂದುವರಿದಿದ್ದು, ಭಯೋತ್ಪಾದಕರ ಅಡಗು ತಾಣಗಳು ಹಾಗೂ ಮನೆಗಳನ್ನು ಸಹ ದ್ವಂಸ ಮಾಡಲಾಗಿದೆ.

(Army operations: ) ಈ ನಡುವೆ ಸೇನೆಯ ಆಪರೇಷನ್ ಕುರಿತು ನೇರಪ್ರಸಾರ ಮಾಡುವುದು ಅಥವಾ ಗುಪ್ತ ವಿಚಾರಗಳನ್ನು ಬಹಿರಂಗಪಡಿಸುವಂತಹ ಸುದ್ದಿ ಪ್ರಸಾರ ಮಾಡದಂತೆ ಮಾಧ್ಯಮಗಳಿಗೆ ಹಾಗೂ ಸಾಮಾಜಿಕ ಜಾಲತಾಣಗಳ ಬಳಕೆದಾರರಿಗೆ ಕೇಂದ್ರದ ಮಾಹಿತಿ ಮತ್ತು ತಂತ್ರಜ್ಞಾನ ಪ್ರಸರಣ ವಿಭಾಗ ಸೂಚನೆ ನೀಡಿದೆ. ಅದರಿಂದಾಗಿ ದೇಶದ ಭದ್ರತೆಗೆ ಧಕ್ಕೆಯಾಗುವ ಸಂಭವವಿರುವ ಕಾರಣದಿಂದ ಈ ಸೂಚನೆ ನೀಡಲಾಗಿದೆ.

ಇದನ್ನೂ ಓದಿ: ಅಕ್ಷಯ ತೃತೀಯದಂದೇ ಗಜಕೇಸರಿ ರಾಜಯೋಗ…; ಈ 5 ರಾಶಿಯವರಿಗೆ ಕುಬೇರನ ಕೃಪೆ!

ಈ ಹಿಂದೆ ಮಾಧ್ಯಮಗಳು ಮಾಡಿದ ಎಡವಟ್ಟುಗಳು:

1999ರ ಕಾರ್ಗಿಲ್ ಯುದ್ದ ಸಂದರ್ಭದಲ್ಲಿ ಕೆಲವು ರಾಷ್ಟ್ರೀಯ ಮಾಧ್ಯಮಗಳು ಹಾಗೂ ಸ್ವತಂತ್ರ ಪತ್ರಕರ್ತರು ಎನಿಸಿಕೊಂಡವರು ಸೇನೆಯ ಆಗುಹೋಗುಗಳನ್ನು ಪ್ರಸಾರ ಮಾಡಿದ್ದರಿಂದ ಶತ್ರುದೇಶಕ್ಕೆ ಸಹಕಾರಿಯಾಗಿತ್ತು ಎಂಬ ಆರೋಪ ಸಹ ಇದೆ.

ಹಾಗೆಯೇ ಮುಂಬೈ ತಾಜ್ ಹೋಟೆಲ್ ನಲ್ಲಿ ಉಗ್ರರ ದಾಳಿ ಸಂದರ್ಭದಲ್ಲಿ ಹಲವು ರಾಷ್ಟ್ರೀಯ ಮಾಧ್ಯಮಗಳು ನೇರಪ್ರಸಾರ ವರದಿ ಮಾಡಿದ್ದವು, ದಾಳಿಯ ಕುರಿತು ಇಂಚಿಂಚು ವಿಶ್ಲೇಷಣೆ ಮಾಡಿದ್ದವು, ಅದು ಉಗ್ರರಿಗೆ ತಮ್ಮ ಪ್ಲಾನ್ ಅನ್ನು ಯಶಸ್ಸುಗೊಳಿಸಲು ಸಹಕಾರಿಯಾಗಿತ್ತು ಎಂಬ ಗಂಭೀರ ಆರೋಪ ಸಹ ಇದೆ. ಮುಂಬೈ ತಾಜ್ ಹೋಟೆಲ್ ದಾಳಿಯಲ್ಲಿ 175 ಮಂದಿ ಅಮಾಯಕರು ಸಾವನ್ನಪ್ಪಿದ್ದರು.