Sringeri Police Station: ವರಮಹಾಲಕ್ಷ್ಮಿ ಹಬ್ಬದಂದು ಠಾಣೆಯಲ್ಲೇ ಸೀಮಂತ ಕಾರ್ಯಕ್ರಮ

Sringeri Police Station:  ಶೃಂಗೇರಿ: (ನ್ಯೂಸ್ ಮಲ್ನಾಡ್ ವರದಿ) ಸದಾ ಕೇಸು, ಕ್ರೈಮು ಎಂದು ಗಂಭೀರ ವಾತಾವರಣ ಇರುತ್ತಿದ್ದ ಠಾಣೆಯಲ್ಲಿ ನಿನ್ನೆ ಹಬ್ಬದ ವಾತಾವರಣ ನೆಲೆಸಿತ್ತು. ಕರ್ತವ್ಯಕ್ಕಾಗಿ ಕುಟುಂಬದಿಂದ ದೂರವಿರುವ ಸಿಬ್ಬಂದಿಗೆ ಠಾಣೆಯ ಸಹೋದ್ಯೋಗಿಗಳೇ ಸಹೋದರರಾಗಿದ್ರು.. ಗರ್ಭಿಣಿಯಾಗಿದ್ದ ಪಿಸಿ ರುಬಿನಾ ಅವರಿಗೆ ಠಾಣೆಯಲ್ಲೇ ಸೀಮಂತ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.. ಇಂತಹ ವಿಶೇಷ ಸನ್ನಿವೇಶಕ್ಕೆ ಪಾತ್ರವಾಗಿದ್ದು ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ಪೊಲೀಸ್ ಠಾಣೆ

ಇದನ್ನೂ ಓದಿ; ಶೃಂಗೇರಿ: ಭಾರೀ ಪ್ರಮಾಣದಲ್ಲಿ ಅಕ್ರಮವಾಗಿ ಮರ ಕಡಿತ?;  ಕಾರ್ಯಾಚರಣೆಗಿಳಿದ ವನ್ಯಜೀವಿ ಸಂರಕ್ಷಣಾ ಇಲಾಖೆ

ಶೃಂಗೇರಿ ಪೊಲೀಸ್ ಠಾಣೆಯಲ್ಲಿ ಮಹಿಳಾ ಪೇದೆಯಾಗಿ ಕೆಲಸ ನಿರ್ವಹಿಸುತ್ತಿರುವ ರುಬೀನಾ ಬಾನು ಗರ್ಭಿಣಿಯಾಗಿದ್ದು ಹೆರಿಗೆ ಸುಖಕರವಾಗಲಿ ಎಂದು ಹಾರೈಸಿ, ಠಾಣೆಯ ಸಿಬ್ಬಂದಿಗಳು ಬಾಗೀನ ಅರ್ಪಿಸಿ ಸೀಮಂತ ಕಾರ್ಯಕ್ರಮವನ್ನು ನೆರವೇರಿಸಿದ್ದಾರೆ. ಸದಾ ಕಾನೂನು ಸುವ್ಯವಸ್ಥೆ ಕಾಪಾಡುವ ಜಂಜಾಟದಲ್ಲಿಯೇ ಮುಳುಗಿರುವ ಪೊಲೀಸರ ಈ ಕಾರ್ಯಕ್ಕೆ ಸಾರ್ವಜನಿಕರಿಂದಲೂ ಮೆಚ್ಚುಗೆಯ ಮಾತುಗಳು ಕೇಳಿಬಂದಿವೆ.

ಇತ್ತೀಚಿನ ಜನಪ್ರಿಯ ಸುದ್ದಿಗಳು    

• darshan toogudeepa: ಕೊನೆಗೂ ಮಾಧ್ಯಮದರ ಕ್ಷಮೆ ಕೇಳಿದ ನಟ ದರ್ಶನ್;  ಅಷ್ಟಕ್ಕೂ d boss ಹಾಗೂ ಮೀಡಿಯಾದವರ ಮಧ್ಯೆ ಏನಾಗಿತ್ತು?
• ಕಡೂರು ತಹಸೀಲ್ದಾರ್ ಆಗಿದ್ದ ಉಮೇಶ ಅಂದರ್; ಏನಿದು ಪ್ರಕರಣ? ಇಲ್ಲಿದೆ ಡಿಟೈಲ್ಸ್
• ಚಂದ್ರಯಾನ ಯಶಸ್ವಿಗೆ ಶಕಟಪುರಂ ಶ್ರೀಗಳಿಂದ ಶುಭ ಹಾರೈಕೆ; ಮೋದಿ ಕುರಿತಂತೆ ಸ್ವಾಮೀಜಿ ಹೇಳಿದ್ದೇನು..?

ಮಹಿಳಾ ಪೇದೆ ರುಬೀನಾ ಬಾನು ಶೃಂಗೇರಿ ಪೊಲೀಸ್ ಠಾಣೆಯಲ್ಲಿ (Sringeri Police Station) ಕರ್ತವ್ಯ ನಿರ್ವಹಿಸುತ್ತಿದ್ದು, ಆಕೆಯ ಪತಿ ವಿನಾಯಕ್ ಕೂಡ ಕೆರೆಕಟ್ಟೆಯ ಎ ಎನ್ ಎಫ್ (Anti Naxal Force) ಕ್ಯಾಂಪ್ ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇಬ್ಬರೂ ಕೂಡ ಪೊಲೀಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವುದು ಇನ್ನೂ ವಿಶೇಷವಾಗಿದೆ.

ಯಾವಾಗಲೂ ಕರ್ತವ್ಯದಲ್ಲೇ ಇರುವ ನಮಗೆ ಪೊಲೀಸ್ ಠಾಣೆಯೇ ಮನೆ ಇದ್ದಹಾಗೆ. ಇಲ್ಲಿರುವ ಸಿಬ್ಬಂದಿಗಳು ನಮ್ಮ ಕುಟುಂಬವಿದ್ದಂತೆ. ಠಾಣೆಯಲ್ಲಿ ಸೀಮಂತ ಮಾಡಿರುವುದು ನನ್ನ ತಾಯಿಯ ಮನೆಯಲ್ಲೇ ಸೀಮಂತ ಮಾಡಿದಷ್ಟು ಖುಷಿ ನೀಡಿದೆ‌. ಈ ಭಾವನಾತ್ಮಕ ಕ್ಷಣಕ್ಕೆ ನಾನು ಚಿರಖುಣಿಯಾಗಿರುತ್ತೇನೆ. – ರುಬೀನಾ ಬಾನು, ಮಹಿಳಾ ಪೇದೆ

ಇದನ್ನೂ ಓದಿ; ಸಮಗ್ರ ಕೃಷಿ ಪದ್ಧತಿ ಅಳವಡಿಸಿಕೊಳ್ಳಲು ರೈತರಿಗೆ ಸಿಗಲಿದೆ ಸಹಾಯಧನ!; ಯಾವ ಬೆಳೆಗಳಿಗೆ ಸಹಾಯಧನ ಸಿಗುತ್ತದೆ

ಕಾರ್ಯಕ್ರಮದಲ್ಲಿ ಶೃಂಗೇರಿ ಪೊಲೀಸ್ ಠಾಣೆಯ ಪಿಎಸ್ ಐ ಭರಮಪ್ಪ ಬೆಳಗಲಿ, ಸಿಬ್ಬಂದಿಗಳಾದ ಎಎಸ್ ಐ ಪ್ರಸನ್ನ ಕುಮಾರ್, ಹೆಚ್ ಸಿ ಸದಾಶಿವ್, ಕಾಂತರಾಜು ಹಾಗು ಇನ್ನಿತರರು ಇದ್ದರು.

ಇದನ್ನೂ ಓದಿ; ನಿಮ್ಮೂರಿನ ಸಮಸ್ಯೆಗೆ ಅಧಿಕಾರಿಗಳು ಸ್ಪಂದಿಸುತ್ತಿಲ್ವಾ?;  ಪ್ರಧಾನಿ ಮಂತ್ರಿಗೆ ಪತ್ರ ಬರೆಯೋ ಯೋಚನೆ ಇದೆಯಾ?