Gram sabha: ಸರ್ಕಾರದಿಂದ ಗ್ರಾಮ ಪಂಚಾಯತ್‌ಗಳಿಗೆ ಹೊಸ ನಿಯಮ

Gram sabha: ಸರ್ಕಾರದಿಂದ ಗ್ರಾಮ ಪಂಚಾಯತ್‌ಗಳಿಗೆ ಹೊಸ ನಿಯಮ ಜಾರಿಗೆ ತರಲಾಗಿದೆ. ಗ್ರಾಮ ಸಭೆಗಳು ಸ್ಥಳೀಯ ಆಡಳಿತದ ಪ್ರಮುಖ ಅಂಗವಾಗಿದ್ದು, ಗ್ರಾಮಸ್ಥರು ತಮ್ಮ ಹಕ್ಕು ಮತ್ತು ಕರ್ತವ್ಯಗಳ ಬಗ್ಗೆ ಸಜಾಗರಾಗಲು ಹಾಗೂ ಆಡಳಿತದ ತೀರ್ಮಾನಗಳಲ್ಲಿ ನೇರವಾಗಿ ಭಾಗವಹಿಸಲು ಸಹಾಯ ಮಾಡುತ್ತದೆ. ಮತ್ತು ಈ ನಿಯಮವು ಗ್ರಾಮಸ್ಥರ ಪಾಲ್ಗೊಳ್ಳುವಿಕೆ ಹೆಚ್ಚಿಸುವುದು, ಪ್ರಸ್ತುತ ಸಮಸ್ಯೆಗಳಿಗೆ ತ್ವರಿತ ಪರಿಹಾರ ಕಂಡುಕೊಳ್ಳುವುದು ಮತ್ತು ಸ್ಥಳೀಯ ಆಡಳಿತದ ದಕ್ಷತೆ ವೃದ್ಧಿಸುವುದು ಎಂಬ ಉದ್ದೇಶವನ್ನು ಹೊಂದಿದೆ.

ಹೊಸ ನಿಯಮಗಳ ಪ್ರಮುಖ ಅಂಶಗಳು:
ಗ್ರಾಮ ಸಭೆಗಳ ನಿಯಮಿತತೆ ಮತ್ತು ಅವಧಿ:
* ಪ್ರತಿ ಕಂದಾಯ ಗ್ರಾಮ ಹಾಗೂ ಉಪಗ್ರಾಮಗಳಿಗೆ ವರ್ಷದಲ್ಲಿ ಕನಿಷ್ಠ 4 ಗ್ರಾಮ ಸಭೆಗಳನ್ನು ಕಡ್ಡಾಯವಾಗಿ ಕರೆಯಬೇಕು.

* ಕರಾವಳಿ ಮತ್ತು ಮಲೆನಾಡು ಪ್ರದೇಶಗಳಲ್ಲಿ ಗ್ರಾಮಗಳ ಸಂಖ್ಯೆಯ ಆಧಾರದ ಮೇಲೆ ಸಂಯುಕ್ತ ಗ್ರಾಮ ಸಭೆಗಳ ಆಯೋಜನೆ ಅನುಮತಿಸಲಾಗಿದೆ.

* ಗ್ರಾಮ ಸಭೆಗಳಿಗೆ ಏಪ್ರಿಲ್ 24 ಮತ್ತು ಅಕ್ಟೋಬರ್ 2 (ಪಂಚಾಯತ್ ರಾಜ್ ದಿನ) ಹೊರತುಪಡಿಸಿ, ಅದಕ್ಕೂ ಮುಂಚಿತವಾಗಿ ಏಳು ದಿನಗಳೊಳಗೆ ಸಭೆಗಳನ್ನು ನಡೆಸುವುದು ಕಡ್ಡಾಯ.

* ಗ್ರಾಮ ಸಭೆಗಳನ್ನು ಆಗಸ್ಟ್ 15 ಮತ್ತು ಜನವರಿ 26 ಹೊರತುಪಡಿಸಿ, ನಂತರ ಏಳು ದಿನಗಳ ಒಳಗೆ ನಡೆಸಬೇಕು.

* ಗ್ರಾಮ ಸಭೆಯ ಅಧ್ಯಕ್ಷತೆ ಮತ್ತು ಹಾಜರಾತಿ ನಿಯಮಗಳನ್ನು ಪಾಲಿಸುವುದು.

ಇದನ್ನೂ ಓದಿ: ಸರ್ಕಾರಿ ಕಚೇರಿಗಳ ಗಮನಕ್ಕೆ; ಈ ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿ ಮಾಡುವಂತೆ ರಾಜ್ಯ ಸರ್ಕಾರದಿಂದ ಮಹತ್ವದ ಆದೇಶ

* ಸಭೆಯನ್ನು ಗ್ರಾಮ ಪಂಚಾಯತಿ ಅಧ್ಯಕ್ಷರು ನಡೆಸುತ್ತಾರೆ.

* ಅಧ್ಯಕ್ಷರ ಅನುಪಸ್ಥಿತಿಯಲ್ಲಿ ಉಪಾಧ್ಯಕ್ಷರು, ಅವರೂ ಇಲ್ಲದಿದ್ದರೆ ಜೇಷ್ಠ ಸದಸ್ಯರು, ಈ ಮೂರುವೂ ಸಾಧ್ಯವಾಗದಿದ್ದರೆ ಸಭೆಯಲ್ಲಿ ಭಾಗವಹಿಸಿರುವ ಸದಸ್ಯರಿಂದ ಆಯ್ಕೆ ಮಾಡಲಾದ ವ್ಯಕ್ತಿ ಅಧ್ಯಕ್ಷತೆ ವಹಿಸುತ್ತಾರೆ.

* ಕನಿಷ್ಠ ಕೋರಂ: ಗ್ರಾಮ ಸಭೆಯ ಪ್ರಾರಂಭಕ್ಕೆ ಒಟ್ಟು ಮತದಾರರ ಶೇ 10% ಅಥವಾ 100 ಜನರು ಹಾಜರಿರುವುದು ಕಡ್ಡಾಯ.

* 30 ನಿಮಿಷದೊಳಗೆ ಕೋರಂ ಹೊಂದದೆ ಇದ್ದರೆ ಮುಂದಿನ ಮೂರು ಕೆಲಸದ ದಿನಗಳೊಳಗೆ ಸಭೆಯನ್ನು ಪುನರಾಯೋಜನೆ ಮಾಡಬಹುದು. ಈ ಸಭೆಗೆ ಕೋರಂ (Quorum) ಅಗತ್ಯವಿರುವುದಿಲ್ಲ

ಇದನ್ನೂ ಓದಿ: ಜೊಮಾಟೊ ಬ್ರ್ಯಾಂಡ್‌ ನೇಮ್‌ ಚೇಂಜ್‌; ಈ ಬದಲಾವಣೆಗೆ ಕಾರಣವೇನು ಗೊತ್ತಾ?

ವಿಶೇಷ ವರ್ಗಗಳ ಗ್ರಾಮ ಸಭೆಗಳು:
* ಮಹಿಳಾ, ಮಕ್ಕಳ, ಅನುಸೂಚಿತ ಜಾತಿ ಮತ್ತು ಪಂಗಡಗಳು, ವಿಶೇಷಚೇತನರು ಮತ್ತು ದುರ್ಬಲ ವರ್ಗಗಳ ಗ್ರಾಮ ಸಭೆಗಳನ್ನು ಪ್ರತ್ಯೇಕವಾಗಿ ವರ್ಷಕ್ಕೊಮ್ಮೆ ಕರೆಯುವುದು ಕಡ್ಡಾಯ.
* ಈ ಸಭೆಗಳ ನಿರ್ಣಯಗಳನ್ನು ಸಂಬಂಧಿತ ಇಲಾಖೆಗಳು ಯಥಾವತ್ತಾಗಿ ಅನುಷ್ಠಾನಗೊಳಿಸಬೇಕು.

ಗ್ರಾಮ ಸಭೆಯ ಕರೆಯುವ ವಿಧಾನ ಮತ್ತು ಮಾಹಿತಿಯ ಪ್ರಸಾರ :
* ಹೊಸ ನಿಯಮಗಳ ಪ್ರಕಾರ ಗ್ರಾಮ ಸಭೆ ಕರೆಯುವ ಪ್ರಕ್ರಿಯೆಯನ್ನು ಪಾರದರ್ಶಕ ಮತ್ತು ತಂತ್ರಜ್ಞಾನಾಧಾರಿತ ಮಾಡಲು ಕೆಲವು ಮಾರ್ಗಸೂಚಿಗಳನ್ನು ರೂಪಿಸಲಾಗಿದೆ.

* ಸರ್ಕಾರ ಅಭಿವೃದ್ಧಿಪಡಿಸಿದ ʼಗ್ರಾಮ ಸಭೆ ನಿರ್ವಹಣಾ ತಂತ್ರಾಂಶʼ ಬಳಸುವುದು ಕಡ್ಡಾಯ.

* ಕನಿಷ್ಠ 7 ದಿನಗಳ ಮುಂಚಿತವಾಗಿ ಗ್ರಾಮ ಸಭಾ(Gram sabha) ನೋಟೀಸ್ ಬಿಡುಗಡೆ ಮಾಡಬೇಕು.

* ನೋಟೀಸ್ ಅನ್ನು ಮುದ್ರಿತ ಮತ್ತು ಡಿಜಿಟಲ್ ರೂಪದಲ್ಲಿ ಎಲ್ಲ ಸದಸ್ಯರಿಗೆ ತಲುಪಿಸಬೇಕು

ಇದನ್ನೂ ಓದಿ: ಪೋಸ್ಟ್‌ ಆಫೀಸ್‌ ನಲ್ಲಿ ಭರ್ಜರಿ ಜಾಬ್‌ ಆಫರ್‌;10th ಪಾಸ್‌ ಆದವರು ಈಗಲೇ ಅರ್ಜಿ ಸಲ್ಲಿಸಿ

* ಪಂಚಾಯತಿ ವ್ಯಾಪ್ತಿಯ ಪ್ರಮುಖ ಸ್ಥಳಗಳಲ್ಲಿ (ಪಂಚಾಯತ್ ಕಚೇರಿ, ಅಂಗನವಾಡಿ, ಶಾಲೆ, ಹಾಲು ಉತ್ಪಾದಕರ ಸಂಘ, ಸ್ವ-ಸಹಾಯ ಸಂಘ) ನೋಟಿಸ್ ಪ್ರದರ್ಶಿಸುವುದು ಕಡ್ಡಾಯ.

* ಗ್ರಾಮ ಮಟ್ಟದಲ್ಲಿ ವಾಟ್ಸಾಪ್ ಗ್ರೂಪ್ ಕ್ರಿಯೆಟ್‌ ಮಾಡಿ, ನೋಟೀಸ್ ಹಾಗೂ ಸಭಾ ಯೋಜನೆ ಅಥವಾ ಕಾರ್ಯನಿರ್ವಹಿಸಬೇಕಾದ ವಿಷಯಗಳನ್ನು ಪಟ್ಟಿ ಹಂಚಬೇಕು.

* ಮೈಕ್ ಮುಖಾಂತರ ಜನರಿಗೆ ಗ್ರಾಮ ಸಭೆಯ ದಿನಾಂಕ, ಸ್ಥಳ, ಉದ್ದೇಶಗಳ ಬಗ್ಗೆ ಮಾಹಿತಿ ನೀಡಬೇಕು.