Sringeri News: ಕೊಲೆ ಮಾಡಿ ಕಾಡಿನಲ್ಲಿ ಹೂತಿಟ್ಟ, ಫೋನ್ ಕಾಲ್ ನಿಂದ ಸಿಕ್ಕಾಕ್ಕೊಂಡ

Sringeri News: ಶೃಂಗೇರಿ: (ನ್ಯೂಸ್ ಮಲ್ನಾಡ್ ವರದಿ) ಮೂರು ತಿಂಗಳ ಹಿಂದೆ ಕೊಲೆ ಮಾಡಿ ಶವವನ್ನು ಮನೆಯ ಸಮೀಪ ಹೂತುಹಾಕಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ತಾಲ್ಲೂಕಿನಲ್ಲಿ ನಡೆದಿದೆ. ವಾಸಂತಿ (42) ಕೊಲೆಯಾಗಿರುವ ಮಹಿಳೆ

ಇದನ್ನೂ ಓದಿ; ಚಿಕ್ಕಮಗಳೂರು: ಜಿಂಕೆ ಬೇಟೆಯಾಡಿ ಪಾರ್ಟಿ ಮಾಡ್ತಿದ್ದಾಗ ಅಧಿಕಾರಿಗಳ ರೈಡ್; ಸಿಕ್ಕಿದ್ದು ಎಷ್ಟು ಕೆ. ಜಿ ಮಾಂಸ? ಘಟನೆ ನಡೆದಿದ್ದು ಎಲ್ಲಿ? ಸಂಪೂರ್ಣ ಮಾಹಿತಿ

ಮೂರು ತಿಂಗಳ ಹಿಂದೆ ನಡೆದಿದ್ದ ಕೊಲೆ:

ಎಪ್ರಿಲ್ 29ರ ಬೆಳಿಗ್ಗೆ, ಶೃಂಗೇರಿ ತಾಲ್ಲೂಕಿನ ತ್ಯಾವಣ ಸಮೀಪದ ವಾಸಂತಿ ಮನೆ ಬಿಟ್ಟು ಹೋಗಿದ್ದಳು. ಆ ಬಳಿಕ ಪುತ್ರ ನವೀನ್ ಇಲ್ಲೇ ಎಲ್ಲಾದರೂ ಸಂಬಂಧಿಗಳ ಮನೆಗೆ ಹೋಗಿರಬಹುದು ಎಂದು ಹುಡುಕಾಡಿದ್ದಾರೆ. ಹತ್ತು ದಿನಗಳ ಬಿಳಿಕವೂ ಕಾಣೆಯಾದ ತನ್ನ ತಾಯಿಯ ಕುರಿತಂತೆ ಸುಳಿವು ಸಿಗದ ಹಿನ್ನಲೆ, ಶೃಂಗೇರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಇದನ್ನೂ ಓದಿ; ರೇಷನ್ ಕಾರ್ಡ್ ತಿದ್ದುಪಡಿ ಸರ್ವಡ್ ಡೌನ್, ಕಾದು ಕಾದು ಅಧಿಕಾರಿಗಳಿಗೆ ಹಿಡಿಶಾಪ ಹಾಕಿದ ಜನ; ತಿದ್ದುಪಡಿ ದಿನಾಂಕ ವಿಸ್ತರಿಸಿದ ಇಲಾಖೆ

Sringeri News: ಏನಿದು ಘಟನೆ.. ಹೇಗಾಯ್ತು ಕೊಲೆ?

ಕಳಸ ಮೂಲದ ಪ್ರಕಾಶ್ (29) ತ್ಯಾವಣದ ಪ್ಲಾಂಟೇಶನ್ ಒಂದರಲ್ಲಿ ಕೆಲಸಕ್ಕೆ ಇದ್ದ. ಕಳೆದ ಒಂದು ವರ್ಷದಿಂದ ಆರೋಪಿ ಪ್ರಕಾಶ್ ವಾಸಂತಿ ಜೊತೆಗೆ ಸಂಪರ್ಕದಲ್ಲಿದ್ದ. ಮಾರ್ಚ್ 17ನೇ ತಾರೀಖು ಪ್ರಕಾಶ್ ಬೇರೊಬ್ಬರ ಜೊತೆ ಮದುವೆಯಾಗಿದ್ದ. ಆ ಬಳಿಕ ವಾಸಂತಿ ಪ್ರಕಾಶ್ ಗೆ, ತನ್ನನ್ನು ಭೇಟಿಯಾಗಲು ತಿಳಿಸಿದ್ದಾಳೆ. ನನ್ನ ಜೊತೆ ಸಂಬಂಧ ಹೊಂದಿದ್ದು, ಹೇಗೆ ಬೇರೆಯವರನ್ನ ಮದುವೆಯಾಗಿದ್ದೀಯಾ, ನಾನು ಈಗ ವಿಷ ಕುಡಿತೀನಿ ಎಂದು ಹೆದರಿಸಿದ್ದಾಳೆ. ಮಾತಿಗೆ ಮಾತು ಬೆಳೆದು ಇಬ್ಬರ ಮಧ್ಯೆ ಜಗಳ ಪ್ರಾರಂಭವಾಗಿದೆ. ಕೋಪಗೊಂಡ ಪ್ರಕಾಶ್ ಆಕೆಯ ಮೇಲೆ ಹಲ್ಲೆ ಮಾಡಿದ್ದಾನೆ. ಬಲವಾಗಿ ಹೊಡೆತ ಬಿದ್ದ ಹಿನ್ನಲೆ ವಾಸಂತಿ ಜ್ಞಾನ ತಪ್ಪಿದ್ದಾಳೆ. ಬಳಿಕ ಪ್ರಕಾಶ್ ಆಕೆಗೆ ನೀರು ಕುಡಿಸಲು ಪ್ರಯತ್ನಿಸಿದ್ದಾನೆ. ಆದ್ರೆ ಎದ್ದೇಳದ್ದನ್ನು ಕಂಡ ಪ್ರಕಾಶ್ ಗೆ ವಾಸಂತಿ ಸತ್ತಿರೋದು ವಿಚಾರ ತಿಳಿದಿದೆ.

ಕಾಡಿನಲ್ಲಿ ಹೆಣ ಹೂತಿಟ್ಟಿದ್ದ ಆರೋಪಿ

ವಾಸಂತಿ ಜೀವ ಹೋಗಿದೆ ಎನ್ನೋದು ಗೊತ್ತಾಗ್ತಿದ್ದಂತೆ ಎಚ್ಚತ್ತ ಪ್ರಕಾಶ್, ಆಕೆಯನ್ನು ಮನೆಯ ಸಮೀಪದ ಕಾಡಿನಲ್ಲಿ ಬಿದ್ದಿದ್ದ ಮರವೊಂದರ ಬುಡದಲ್ಲಿ ಹೂತಿಟ್ಟಿದ್ದಾನೆ.

ಇದನ್ನೂ ಓದಿ;  ಕಡೂರು ಸಮೀಪ ಕೈ ಶಾಸಕನ ಆಪ್ತನ ಕಾರು ಡಿಕ್ಕಿ: ಓರ್ವ ಸ್ಥಳದಲ್ಲೇ ಸಾವು, ಚಾಲಕ ಪರಾರಿ

ಫೋನ್ ಕಾಲ್ ನಿಂದ ಗೊತ್ತಾಯ್ತು ಆರೋಪಿಯ ಸುಳಿವು

ಮಿಸ್ಸಿಂಗ್ ಕೇಸ್ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ ಪೊಲೀಸರು, ವಾಸಂತಿಯ ಫೋನ್ ಕಾಲ್ ಡಿಟೇಲ್ಸ್ ತೆಗೆಸಿದ್ದಾರೆ. ಆಕೆ ಮನೆಯಿಂದ ಕಾಣೆಯಾದ ವೇಳೆ ಪ್ರಕಾಶ್ ಗೆ ಅನೇಕ ಬಾರಿ ಕರೆ ಮಾಡಿದ ಮಾಹಿತಿ ಪೊಲೀಸರಿಗೆ ದೊರೆತಿದೆ. ಕೂಡಲೇ ಆರೋಪಿಯನ್ನು ಪತ್ತೆ ಹಚ್ಚಿ ವಿಚಾರಣೆಗೊಳಪಡಿಸಿದಾಗ ಆರೋಪಿ ಪ್ರಕಾಶ್ (29) ಸತ್ಯ ಬಾಯ್ನಿಟ್ಟಿದ್ದಾನೆ. ಸಧ್ಯ ಪೊಲೀಸರು ಪ್ರಕಾಶ್ ನನ್ನು ಬಂಧಿಸಿದ್ದಾರೆ. ಘಟನಾ ಸಂಬಂಧ ಸ್ಥಳಕ್ಕೆ ಚಿಕ್ಕಮಗಳೂರು ಎಸ್ಪಿ ಉಮಾ ಪ್ರಶಾಂತ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.